Embedded Files
5 Desember 2025
Ons kom na jou toe — as jy nie by ons kan uitkom nie.
Ons kom na jou toe — as jy nie by ons kan uitkom nie.
Daar is dae wanneer dit net nie moontlik is om by die kliniek uit te kom nie. Soms voel selfs ’n kort rit na Quick Care soos ’n groot taak, veral as jy siek is, swak beweeglik, of selfs bedlêend is. Dis vir sulke oomblikke dat ons tuisbesoeke bestaan — ’n manier om goeie sorg direk by jou huis te bring.
Elke Dinsdag- en Vrydagoggend klim ons span in die bussie en ry deur die dorp( ja , dit sluit versorgingseenhede in). Gewoonlik is dit Sr Lerè Stander wat die leiding neem, en dan sluit Mariska by haar aan op Dinsdae en Michelle op Vrydae.
Elke Dinsdag- en Vrydagoggend klim ons span in die bussie en ry deur die dorp( ja , dit sluit versorgingseenhede in). Gewoonlik is dit Sr Lerè Stander wat die leiding neem, en dan sluit Mariska by haar aan op Dinsdae en Michelle op Vrydae.
Wanneer Sr Stander nie kan gaan nie, is Sr Jolandi Blom daar om in te val. Saam maak hulle seker dat geen pasiënt vergeet word nie en dat elke besoek rustig en deeglik verloop. Die oggende is besig, maar nooit gejaagd nie. Daar’s altyd tyd om te luister, om te kyk hoe dit regtig met die pasiënt gaan en om seker te maak dat alles wat gedoen word, met sorg en aandag plaasvind. Dit is nie net “net werk” nie — dit is ’n manier om te verseker dat mense steeds versorg word, selfs as hulle nie self kan beweeg nie.
Wat gebeur tydens ’n tuisbesoek? Dis dikwels die klein dinge wat ’n groot verskil maak. Ons help met wondversorging en kyk na bedsere.. Dit klink miskien eenvoudig, maar dit kan die dag van iemand regtig makliker en meer gemaklik maak.
Wat gebeur tydens ’n tuisbesoek? Dis dikwels die klein dinge wat ’n groot verskil maak. Ons help met wondversorging en kyk na bedsere.. Dit klink miskien eenvoudig, maar dit kan die dag van iemand regtig makliker en meer gemaklik maak.
Die proses is eenvoudig: die pasiënt of ’n familielid bel die kliniek en meld aan wat nodig is. Van daar af word die lys opgestel en die roete beplan. Omdat ons verskeie pasiënte op ’n oggend besoek, kan ons nie altyd ’n presiese tyd belowe nie. Op hierdie manier kan ons seker maak dat almal die aandag kry wat hulle nodig het, sonder om iemand te vergeet of gehaas te wees.
Betaling is ook reguit: in die meeste gevalle kan mediese fondse gebruik word. Indien dit nie moontlik is nie, aanvaar ons kontant of kaart. Rekeninge word net uitgereik as dit vooraf met die praktykbestuurder gereël is. Wat tuisbesoeke besonders maak, is hoe dit die kliniek na die mense toe bring — en nie andersom nie. Dit gee pasiënte die kans om sorg te kry sonder spanning. Ons kan in die huis van die pasiënt sien hoe hulle leef, wat hulle nodig het, en soms sommer net ’n geselsie hê wat die oggend vir hulle ligter maak. Dit is hierdie kombinasie van professionele sorg en menslike aanraking wat tuisbesoeke so spesiaal maak.Uiteindelik gaan dit daaroor om te verseker dat goeie sorg nie ophou by die deur van die kliniek nie. Met ons tuisbesoeke kry jy steeds dieselfde aandag en kwaliteit — maar by jou eie huis, in jou eie gemak. Of dit nou vir ’n bedlêende pasiënt is, iemand wat net nie maklik kan beweeg nie, of iemand wat spesiale wond- of voetsorg benodig, die tuisbesoek bring die sorg na jou toe. En dit is presies waarvoor ons dit doen: om seker te maak dat elke pasiënt — ongeag hul omstandighede — steeds die versorging kry wat hulle nodig het, rustig, gemaklik en met aandag aan elke klein detail.
Page updated
Google Sites
Report abuse