Embedded Files
27 Desember 2025
Johan: Finansiële adviseur deur die dag…
Nutsman enige tyd
Johan: Finansiële adviseur deur die dag…
Nutsman enige tyd
Elke plek het sy noodnommer. By Quick Care is dit nie 911 of 10111 nie. Dis: “Bel vir Johan.”
Nou — belangrike detail: Johan is nie eintlik ’n handyman nie, hy is ’n finansiële adviseur.
Hy werk met syfers… planne… polisse.
Nou — belangrike detail: Johan is nie eintlik ’n handyman nie, hy is ’n finansiële adviseur.
Hy werk met syfers… planne… polisse.
Maar êrens tussen spreadsheets en vergaderings het hy ook sommer teëls gelê, kombuisdeure aangesit, ’n Normatec-spreekkamer gebou, n lessenaar gebou, ligte ingesit, reggemaak en weer reggemaak (want iemand het per ongeluk die verkeerde skakelaar gedruk)
En toe kom die groot avontuur: Die dek.
Die dek het gelyk soos iets uit ’n “voor en ná”-program… maar slegs die “voor”. Die meeste mense sou sê: “Laat ons maar ’n kontrakteur bel.”Johan het gesê: “Wag… bring net die koffie.”
En toe kom die groot avontuur: Die dek.
Die dek het gelyk soos iets uit ’n “voor en ná”-program… maar slegs die “voor”. Die meeste mense sou sê: “Laat ons maar ’n kontrakteur bel.”Johan het gesê: “Wag… bring net die koffie.”
En daar gaan hy — dek afgebreek, hout uitgehaal, rommel weggery… en toe netjies sementblokke ingesit soos ’n man wat al sy hele lewe bouwerk doen. (Al wat hy eintlik wou doen, was waarskynlik net rustig braai.) Wat ons die meeste van hom waardeer? Hy kla nie. Hy rol nie sy oë. Hy sê net: “Okay — ons maak ’n plan.” Geen werk is te groot. Geen werk is te klein. En geen kans dat iets lank stukkend lê nie — want Johan sien dit eerste.
So ja — by Quick Care het ons susters en kantoorpersoneel... en dan het ons Johan. Die man wat mure bou, dinge regmaak, dekke afbreek, maar nog steeds kan verduidelik wat ’n belegging is en hoe mediese fondse werk. Johan, ons sê dit met liefde: Dankie dat jy ons kliniek se “alles-regmaker” is — selfs al staan dit nêrens in jou CV nie. Ons waardeer jou.
Page updated
Google Sites
Report abuse